کله باد جار می‌زنه دِ گوش دنیا
آهویا گیل می‌زنن دِ پاچه کوه یا
زمسو ها می‌ره د دشت و بناری
نوبهار داره میاد و مالگه پاری
می‌زنه ساز و دُهل اورِ بهاری
سوز سیل طاق نصرت ز دو هماری
نو عروس گل میا سواره تلمیت
ایل و بار شومالگه زن و رسم سر چیت
‎سال سخت رت و اوما بهارپیروز
‎نشسه ری شون گرین میرنوروز
‎نوعروس گل اوما وا خنه و ناز
‎تاف برف آوکل زنو میان و پیشواز
‎غم و غصه میره دی ولات آباد
‎هم دواره ها میایه روزیا شاد